Zep 2 | ZomZIV | STEP | A zumhuai minamte aw, na vekun kikhawm un;

Zephaniah 2

1 A zumhuai minamte aw, ^a
na vekun kikhawm un; ^b
2 ansi bangin hong kizapkhiat ni ding ^c
kiciangtan ni a tun ma,
TOPA hehluatna no tungah hong tun ma,
TOPA thangpaihna ni no tungah hong tun ma-in na vekun kikhawm un.
3 Leitung ah kiniamkhiatin
ama thupiak banga gamta note khempeuh aw,
TOPA zong un.Thumaanna zong unla kiniamkhiatna zong un; ^d
tua hileh TOPA hehna ni ciangin
note hong kiliah kha thei ding hi. ^e

Philistia Langah

4 Gaza kitaisanin
Ashkelon a siasa-in kinusia ding hi.
Suntangpi-in Ashdod hawmmang dinga,
Akron kibulkalh ding hi.
5 No Kereth mite aw, no tuipi gei-a tengte aw, ^f
gimna nak thuak na nucia!
Philistia-te tenna nang Canaan aw,
nang langkhatah TOPA in thu gen zo hi. ^g
“Nang kong susia dinga,
kuamah a kinusia nawn kei ding hi,”
6 Tuipi gei-a leitang, Kereth-te ^{▼▼2.6 Hebrew in hih laimal kician lo} tenna teng,
tuucingte om nading le tuuhuang ding ahi hi. ⁱ
7 Judah innkuan a omlaisunte in tuate a tang ding uh hi;
tualai lonona munin a zang ding uh hi.
Nitak ciangin amaute
Asklon-te inn sungah a lum ding uh hi.
TOPA amaute Pasian in kem dinga,
a mailam hun ^{▼▼2.7 Ahikeh amau saltaangte kipia kik ding} uah angei a bangsak ding hi. ^k

Moab le Ammon Langah

8 “Moab-te in ka mite a simmawhna le ^l
Ammon-te in a selnohna uh, ^m
a gamte uh sutin ⁿ
a elpaunate uh ka za khin hi.
9 Tua ahi ciangin Israel-te Pasian Thahatpen TOPA in,
“Ka nuntakna ka lo hi,
Moab pen Sodom tawh kibangin, ^o
Ammon-te Gomorrah bang tektek ding uh a- ^p
a gam uh bangmah a kimang lo
lopa bek pona cikhuk a suak den ding hi.
A baanglai ka mite in amaute manmang ding uh hi; ^q
a omlai ka minamte in amaute gam a luah ding uh hi,” a ci hi.
10 Thahatpen TOPA mite simmawhin ciamnuih bawl uh ahi manin ^r
amaute kiphatna thamanin hihte a ngah ding uh hi.
11 TOPA in amaute gama pasiante a suksiat ciangin ^s
amaute a lausak mahmah ding hi. ^t
Tuipi mong khempeuh a minamte in
amau leitang ciat panin amah bia ding uh hi. ^u

Cush Langah

12 “Cush-te ^{▼▼2.12 Tua pen Nile kual khunglam tenga mite} aw, note zong
ka namsau in hong kithat ding hi.”

Assyria Langah

13 Amah in leilu-lam langkhatah a khut zankhia dinga
Assyria susia-in ^w
Nineveh nusiacip dinga ^x
sehnel-gam bangin a keu ding hi.
14 Tuuhonte, bawnghonte le ganhing namkim
tua lai-ah a lum ding hi. ^y
Sehnel-gam simbu le simbu awngaihte in ^z
inn khuampi dawn giahna-in nei ding uh hi.
A khuan un kongvangneu ah thawnkhia-in
kongkalai-ah leisek tawng om dinga,
innkam a kikhung tamtak singte a kidawkkhia ding hi.
15 Bangmah a awlmawh lo
lungmuangtaka tenna khuapi hizahta a suak hi. ^aa
Tuanu amah le amah,
“Keimah bek, kei bang kuamah om kei,” kici hi. ^ab
Tua khua nak siat nah e,
gamsate omna lah a suak tazen a! ^ac
Tua lai a tawnkha peuhmah in
selpho-in a khut uh lehsan uh hi. ^ad